Poesia de Natal do Pe. Adérito

POESIA DO NATAL

Wainhira sinti laran susar karik, HAKSOLOK BA!
Basa Novidade diak Natal nian mak KSOLOK.

Wainhira hamosu FUNU iha moris karik, BADAME MALU BA!
Basa Novidade diak Natal nian mak DAME

Wainhira iha belun barak karik, HALIBUR MALU BA!
Basa Novidade diak Natal nian mak HALIBUR HANESAN MAUN ALIN.

Wainhira iha laran moras no rai kunan ba malu karik, HAKOI TIHA HANOIN NEE!
Basa Novidade diak Natal nian mak HARAIK-AN

Wainhira halo tusan barak karik, SELU TUSAN NEE BA!
Basa Novidade diak Natal nian mak JUSTIÇA

Wainhira halo sala hasoru maun alin sira karik, HUSU PERDAUN BA!
Basa Novidade diak Natal nian mak NAKFILAK-AN no MORIS FOUN

Wainhira iha Nakukun laran karik, HALAKAN AHI KLOBO BA!
Basa Novidade diak Natal nian mak NAROMAN

Wainhira halo knaar boot iha sociedade karik, HALO HO LARAN BA!
Basa Novidade diak Natal nian mak DEDIKASAUN no PERSEVERANÇA

Wainhira fiar namlele karik, ATEN BRANI BA!
Basa Novidade diak Natal nian mak FIAR IHA JESUS KRISTU


Adésdb